Ministri i Punëve të Brendshme të Kosovës, Xhelal Sveçla, ka thënë të premten gjatë raportimit në Komisionin parlamentar për Sigurinë, se sulmet ndaj Policisë së Kosovës në veri janë si rezultat i shtrirjes së shtetit ligjor atje dhe ndaljes së kontrabandës.
Sveçla ka thënë se është rritur edhe aktiviteti hetues në ato zona.
Ministri i Brendshëm ka thënë po ashtu se gjatë vitit 2021 janë shkatërruar 50 grupe kriminale në Kosovë, nga rreth 1,000 operacione.
“Ka rënie evidente të kontrabandës”, ka thënë Sveçla.
Sipas tij, brenda 10 ditësh, policia kufitare e Kosovës është sulmuar gjashtë herë.
