Një vit nga vrasja e Pjerin Xhuvanit nga Arbër Paplekaj është arrestuar “sebepi” i sherrit vitin e kaluar.
Mehmet Greca, 37-vjeç është arrestuar ditën e sotme në Elbasan në lagjen “Emin Matraxhiu” pasi i është gjetur një sasi lënde narkotike kanabis dhe kokainë.
Mehmet Greca vitin e kaluar u ndalua nga mbështetës të Partisë Demokratike pasi dyshohej se po shpërndante para në këmbim të votës.
Grupi ndaloi Grecën deri në momentin që erdhi policia dhe nisi përplasja me armë zjarri.
Ai mohoi se ishte duke shpërndarë para për vota, por tha se kishte vetëm postera elektorale në mjetin e tij.
