Policia e Korçës ka bërë gati dosjen për 40 vjeçaren, Valmira Hasimllare e cila pritet që t’i referohet Prokurorisë.
Nga rrethanat e ngjarjes, dinamika dhe provat e tjera të grumbulluara gjatë hetimit, policia i ka kualifikuar veprimet e 40 vjeçares sipas nenit 81 të Kodit Penal, dhe parashikon vrasjen me dashje të foshnjës.
Burime zyrtare të Prokurorisë së Korçës bënë të ditur se pas referimit të dosjes nga policia, organi procedues do të kërkojë ekzaminim të gjendjes mendore të nënës që mbylli foshnjën e sapolindur në valixhe, për të përcaktuar shkallën e përgjegjësisë penale ose mungesën e saj, për shkak të çrregullimeve të rënda mendore.
Prokuroria pritet të vlerësojë nëse janë kushtet që ndaj 40 vjeçares të kërkohet si mase sigurimi, shtrim i detyruar në spital.
