Agim Meta, babai i 31-vjeçarit Ilvi Meta që sipas policisë i dha fund jetës në komisariatin e Kavajës akuzon efektivët se e dhunuan dhe djali u mbeti në dorë.
Ai tha se provat e dhunës në trupin e djalit ishin të qartë dhe se cështjen do ta ndjekë pavarësisht se policia thotë se vrau veten.
“Hapa arkivolin, e pashë që trupi i djalit kishte shenja dhune. Si ka mundësi? Ai ishte 80 kg dhe të jetë të varur me një lidhëse? Policia nuk na pranoi fare. Si në komisariat dhe në morg.
I thashë jam babai i djalit, më thanë; përjashta. Drejtësinë do ta vazhdoj. Nga Italia do ta sjell avokatin. Do ta shes gjakun tim, shtëpinë, për të nxjerrë të vërtetën” tha Agim Meta, babai i djalit.
