Rusia ndodhet nën sanksione të paprecedentë dhe BE-ja mund të përfshijë në këto sanksione edhe Alina Kabaeva, politikanen, shefen e mediave, ish-gjimnasten olimpike, por njëherësh ashtu siç përflitet është edhe e dashura e Vladimir Putin. Gjithashtu për Kabaevën thuhet se është nënë e disa prej fëmijëve të bosit të Kremlinit.
Sanksionet e vendosura nga BE-ja dhe vendet e tjera kanë si synim të ndëshkojnë njerëzit e afërt me Putinin, oligarkët, politikanët dhe zyrtarët e tjerë që thuhet se kanë përfituar nga afërsia e tyre me presidentin.
Muajin e kaluar, SHBA dhe Britania e Madhe vendosën sanksione ndaj vajzave të tij Maria Vorontsova, 36 vjeç, dhe Katerina Tikhonova, 35 vjeç. Ato janë fëmijët e tij me ish-bashkëshorten Lyudmila.
Deri më tani, Kabaeva e cila mendohet se është arratisur ndërsa një peticion në internet në muajin mars kërkonte dëbimin e saj nga rezidenca në Zvicër.
BBC shkruan se ajo është në listën e fundit të individëve që do të sanksionohen nga BE-ja. Sipas AFP-së, ajo do të jetë në shënjestër për shpërndarjen e propagandës së Kremlinit dhe lidhjet e ngushta me Putinin.
Draft dokumenti nuk e emëron atë si partneren e tij dhe BE-ja ende nuk e ka nënshkruar zyrtarisht propozimin.
Udhëheqësi rus ka qenë gjithmonë shumë privat. Kur është pyetur për jetën e tij private, ai është prirur t’i shmanget.
Ai ka mohuar në mënyrë eksplicite një lidhje me Kabaevan. Aftësia gjimnastike e Alina Kabaeva i dha asaj pseudonimin “gruaja më fleksibël e Rusisë”.
Në vitin 2008, gazeta “Korrespondenca Moskovsky” raportoi se Putini po planifikonte të divorcohej nga gruaja e tij Lyudmila dhe të martohej me Kabaevan. Të dy e hodhën poshtë shkrimin e gazetës. Menjëherë pas kësaj, autoritetet mbyllën gazetën.
Putin dhe Lyudmila do të njoftonin ndarjen e tyre pesë vjet më vonë. Në kohën kur presidenti rus mohonte se ai ishte i përfshirë në lidhje me Kabaevan, ajo po kalonte nga një karrierë e suksesshme sportive në fushën e politikës.
Disiplina e saj e zgjedhur ishte gjimnastika ritmike, ku garuesit kryejnë rutina me ndihmën e pajisjeve si shirita dhe topa. Kabaeva, në kulmin e saj, pretendon se ka qenë më e mira në botë.
Rusia fitoi çdo medalje të artë olimpike në në vitet 2000-2016. E lindur në vitin 1983, ajo filloi gjimnastikën ritmike që në moshën 4-vjeçare. Trajnerja e saj, Irina Viner, tha se: “Nuk mund t’u besoja syve kur e pashë për herë të parë. Vajza ka kombinimin e rrallë të dy cilësive thelbësore në gjimnastikën ritmike – fleksibilitetin dhe shkathtësinë.” Ajo bëri debutimin e saj ndërkombëtar në vitin 1996 dhe ishte një fituese surprizë në Kampionatin Evropian 1998.
Në Lojërat Olimpike të Sidneit të vitit 2000, një gabim jo karakteristik me rrethin i kushtoi shtrenjtë (ajo e la të rrokullisej nga dyshemeja) dhe ajo mundi të arrinte vetëm medaljen e bronztë.
4 vjet më vonë, në Athinë, ajo bëri më mirë, duke marrë medaljen e arit. Deri në kohën e kur ajo hoqi dorë nga gjimnastika, ajo kishte fituar 18 medalje të Kampionatit Botëror dhe 25 medalje të Kampionatit Evropian me në krye medaljet e saj olimpike.
Ashtu si atletet e tjera ruse, ajo nuk i ka shpëtuar dopingut, duke humbur medaljet e saj në një event në vitin 2001, pasi rezultoi pozitive.
Ajo u zhvendos në politikë, duke fituar një vend në dhomën e ulët të parlamentit të Rusisë nga viti 2007-2014 me partinë në pushtet ‘Rusia e Bashkuar’.
Në vitin 2014 ajo u bë kryetare e Grupit Kombëtar të Medias, i cili ka aksione të mëdha në pothuajse të gjitha mediat kryesore shtetërore ruse. Mediat e tilla kanë akuzuar ukrainasit për sulmet e qyteteve të tyre dhe i paraqesin trupat ruse si çlirimtare.
Pozicioni i saj thuhet se e ka bërë atë një grua të pasur, ku sipas dokumenteve ajo fiton rreth 12 milion dollarë në vit. Nuk dihet kur ajo dhe Vladimir Putin u takuan për herë të parë, por nuk është e pazakontë që një olimpiste të takojë presidentin e një vendi.
Është një foto e çiftit që në vitin 2001, kur Putin i dha asaj Urdhrin e Miqësisë – një nder i lartë shtetëror.
Ka zëra se ata kanë fëmijë së bashku, ndonëse nuk dihet se sa. Një gazetë zvicerane raportoi se Kabaeva kishte lindur një djalë në vitin 2015 në një klinikë pranë liqenit të Luganos dhe një djalë tjetër në të njëjtin vend në vitin 2019.
Sunday Times dhe Wall Street Journal raportuan se ajo kishte lindur binjakë në vitin 2019 në Moskë, por nuk dihet se sa. Nga ana tjetër, Kremlini i ka mohuar raportime të tilla. Në vitin 2015, zëdhënësi i Putinit tha se “informacionet për lindjen e një foshnjeje se i është fëmija i Vladimir Putinit nuk korrespondojnë me realitetin”.
E tillë është natyra e ruajtur që ka ruajtur Vladimir Putin në publik; ai kurrë nuk i ka përmendur emrat e fëmijëve që ka me Lyudmilan përveçse ka theksuar se ka dy vajza të rritura.
Kabaeva ka qenë brenda dhe jashtë vëmendjes që kur dolën raportet për marrëdhënien e saj me Putin. Një kopertinë e Vogue në vitin 2011, e tregonte atë të kishte veshur me një fustan të shtrenjtë ari nga shtëpia franceze e modës Balmain.
Ajo ishte gjithashtu mbajtëse e pishtarit në Lojërat Olimpike Dimërore 2014 në Soçi. Kohët e fundit, në prill Kabaeva u shfaq në një festival të gjimnastikës për të rinj në Moskë. Atje, ajo vlerësoi përpjekjet e Rusisë për luftën. Që nga fillimi i luftës në Ukrainë, ka pasur thirrje që ajo të përballet me sanksione. Wall Street Journal ka sugjeruar se SHBA-ja heziton të sanksionojë zonjën Kabaeva, nga frika se mund të konsiderohet “një goditje personale” për Putinin saqë mund të përshkallëzojë më tej tensionet.
Megjithatë, mund të mos jetë fare jashtë objektivit të Perëndimit. Kur Shtëpia e Bardhë u pyet në prill se pse ajo nuk ishte në listën e tyre e sanksioneve sekretari i shtypit u përgjigj “asnjë dhe askush nuk është i sigurt”.
