Policia Rrugore ka rikthyer sërish në përdorim makinë inteligjente, e cila mat shpejtësinë e automjeteve, si dhe fotografon shoferët për të evidentuar nëse po përdorin telefonin.
Makina e vendosur së fundmi në punë ka arritur të kap 100 drejtues mjetesh që qarkullonin me shpejtësi 2 deri në 4-fish mbi normën e lejuar, në rrugët e qytetit, të cilëve polica iu ka pezulluar leja e drejtimit nga 2 deri në 10 muaj, po ashtu iu janë zbritur nga 3 deri në 13 pikë në lejen e drejtimit, si dhe janë ndëshkuar me masë administrative nga 7000 deri në 25.000 lekë të rinj.
Gjithashtu Policia Rrugore në të gjithë vendin do të intensifikojë akoma më shumë kontrollet me mjetet inteligjente, radarët si dhe lexuesin automatik të targave.
