Republika Çeke e ka zëvendësuar Rusinë zyrtarisht, si pjesë e Këshillit të së Drejtave të Njeriut në Organizatën e Kombeve të Bashkuara.
Në prill, vendet anëtare ndërmorën nismën për heqjen e Rusisë nga lista dhe votimi kaloi me sukses.
Shkak për këtë, sigurisht, ishte nisja e agresionit ndaj Ukrainës nga ana e Moskës dhe operacioni i gjatë ushtarak i zhvilluar aty, i cili ende vijon.
Ministri i Jashtëm çek, Jan Lipavsky, ka falënderuar të gjitha vendet anëtare që votuan pro zgjedhjes së vendit të tij në Këshill.
“Të drejtat e njeriut mbeten një prioritet për Çekinë”, parashtroi ai në fjalën e tij. “Ne e kemi përkatësinë tonë në Këshill. Rusia nuk e ka”.
Mandati i vendit të Evropës lindore do të jetë prej tre vjetësh, duke iu mbivendosur mandatit të shkuar rus.