Pas gati dy javësh autobusi i kompanisë “Go Green” që bënte linjën e unazës në Tiranë është hequr nga Lana. Procesi i heqjes ka ndodhur gjatë natës. Në pamje duket momenti kur punonjësit në prani të ekspertëve largojnë autobusin nga lumi.
Kryetari i bashkisë Tiranë, Erion Veliaj thotë se zhvendosja ka ndodhur me kërkesë të prokurorisë. Ai shprehet pasi të përfundojnë hetimet, autobusi do të vendoset sërish aty si instalacion.
“Me kërkesë të prokurorisë që po heton aksidentin unik, kërkohet spostimi i mjetit për të bërë ekspertizën autoteknike në garazh/terren 🚍.
Mjeti u spostua mbrëmë! Do të rikthehet në përfundim të hetimeve po aty si instalacion për kujdesin në qarkullim.🚸Fundjavë të mbarë!” shkruan Veliaj.
Ngjarja ndodhi në 29 prill. Autobusi atë mbrëmje përfundoi mbi Lanë dhe poshtë nën rrota vendosi një makinë tip “Benz”. Fatmirësisht nuk pati viktima, por vetëm të lënduar lehtë.
