Një 20-vjeçar shqiptar është arrestuar nga autoritet italiane së bashku me të dashurën e tij nga Venezuela si dhe ortakun nga Libia.
Të tre këta shpërndanin drogë të tipit kokainë me anë të rrjeteve sociale. Grupi kishin ndërtuar një skemë të mirëfilltë biznesi, ku prisnin porosi me mesazhe në rrjetet sociale dhe më pas e dërgonin porosinë direkt në derën e shtëpisë së klientëve.
20-vjeçari shqiptar besohet se është kreu i bandës.
Sipas asaj që konstatuan hetuesit, dërgesat e drogës varionin nga më pak se 1 gram deri në mbi 10 gram dhe klientët ishin të shpërndarë në të gjithë kryeqytetin italian. Gjithashtu klientët ishin vendosur edhe në Narni, destinacioni “i preferuar” i 20-vjeçarit ku ndodhej edhe zyra e tij.
