Të dielën e 15 majit, një 6 vjeçare është goditur në sheshin e Prishtinës “Nënë Tereza”.
Policia e Kosovës, ka bërë të ditur përmes raportit që personi i cili shkaktoi aksidentin është arrestuar.
“Drejtuesi i veturës është identifikuar dhe arrestuar dhe i njëjti me urdhër të prokurorit dërgohet në mbajtje”, ka njoftuar policia.
Tutje, janë sqaruar edhe rrethanat që sollën deri tek kjo ngjarje.
“E njëjta gjersa ishte duke drejtuar biçikletën në hapësirën e sheshit, është goditur nga një veturë me targa e vendore e cila pas shkaktimit të aksidentit është larguar nga vendi i ngjarjes.
Policia, po ashtu njofton që vajza kishte pësuar lëndime trupore.
“Lëndime trupore ka pësuar viktima femër kosovare (fëmijë 6-vjeç)”.
