Një aksident i rëndë ka ndodhur pasditen e së premtes në fshatin Hoxharë e Vjetër të Fierit.
Mësohet se automjet ka përplasur një motor e për pasojë ka ndërruar jetën drejtuesi i motorit.
Rrethanat në të cilat ka ndodhur aksidenti janë ende të paqarta, ndërsa policia po heton për zbardhjen e plotë të ngjarjes.
“Sot rreth orës 19:10, në aksin rrugor Fier-Seman, në fshatin Hoxharë e Vjetër, një automjet tip “Audi” ka përplasur motomjetin me drejtues shtetasin B. S., 67 vjeç, banues në Dërmënas, i cili ka ndërruar jetë.
Po punohet për identifikimin dhe kapjen e drejtuesit të automjetit i cili ka braktisur mjetin dhe është larguar nga vendngjarja.
Grupi hetimor po punon për zbardhjen e rrethanave të aksidentit”.
