Policia Rrugore e Gjirokastrës, gjatë kontrolleve të kryera ka vendosur 411 gjoba dhe ka pezulluar 2 leje drejtimi.
Gjatë kontrollove të zhvilluara javën që lamë pas, 2 prej shoferëve të cilëve i është pezulluar patenta, u kapën duke drejtuar makinën në gjendje të dehur.
Ndërsa 411 gjobat e vendosura janë për shkelje të ndryshme të rregullave të qarkullimit rrugor, të cilat janë konkretisht : 189 masa për parakalime të gabuara, 62 masa për mosvendosjen e rripit të sigurimit, 2 masa për drejtim mjeti nën efektin e pijeve alkoolike, 109 masa për ndalim/pushim të mjetit në kundërshtim me sinjalizimin rrugor, 49 masa për shkelje të rregullave të tjera të Kodit Rrugor, të cilat janë burim aksidenti.
Gjithashtu janë bllokuar dhe 3 automjete, për mungesë dokumentacioni.
Policia rrgire njofton se kontrollet do të vazhdojnë çdo ditë, me qëllimin e vetëm, parandalimin e ngjarjeve rrugore me pasoja për jetën e përdoruesve të rrugës.
