Talo Çela është njeriu më i kërkuar i momentit nga policia në Shqipëria, ndërsa ish-miku i tij, tashmë armik, Nuredin Dumani ndodhet pas hekurave dhe është personi më i vlefshëm për policisë me dëshmitë e tij duke zbardhur ngjarje që duket se nuk kanë fund.
Operacioni “Plumbi i Artë” vuri në pranga 9 persona, 9 ishin në burg, ndërsa 14 të tjerë janë shpallur në kërkim.
Pas arrestimit, Dumani ka marrë statusin e bashkëpunëtorit të drejtësisë, ndërsa ka rrëfyer detaje nga dhjetëra ngjarje ku ai ka marrë pjesë fillimisht me Talo Çelën e më pas edhe kundër tij.
Mësohet se SPAK ka kërkuar këtë të martë të tërheqë të gjitha dosjet që janë në prokuroritë e rretheve në çështje të përmendura nga Dumani apo ngjarje ku ka marrë pjesë ai apo Talo Çela.
