Yuri Kim, ambasadorja amerikanë në vendin tonë, së bashku me presidentin Ilir Meta, po ashtu dhe presidenten e Kosovës, Vjosa Osmani, morën pjesë në “Forumin e Lirisë Ballkanike” me temë “Trendi aktual i trafikimit të qenieve njerëzore në Ballkan”.
Yuri Kim u shpreh se Shqipëria, me partnerët e saj, është e përkushtuar të përballet me këtë plagë të trafikimit të qenieve njerëzore.
“Qeveria e Shqipërisë ka ndërmarrë hapa për ndjekje penale ndaj autorëve të trafikimit të qenieve njerëzore, por sërish duhet të bëjmë më shumë.
Ekziston vullneti në të gjitha nivelet e lidershipit shqiptar për ta adresuar këtë çështje. SHBA ka kontribuar me burime, ne kemi financuar gjatë viteve. Asnjë vend nuk mund ta bëjë të këtë i vetëm, zgjidhja duhet të jetë rajonale”, tha Kim në fjalën e saj.
