Qeveria shqiptare miratoi sot protokollin e aderimit për futjen e Suedisë dhe Finlandës në NATO. Fjalën e fundit e ka parlamenti, por nuk pritet që të ketë surpriza. Ministrja e Jashtme, Olta Xhaçka u shpreh se nuk kishte asnjë hezitim për këtë çështje.
“Nuk ishte një vendim i vështirë apo hezitim, por shpresojmë që ky moment zgjerimi do të japë edhe zgjerimin e aleancës në Ballkan, dua të theksoj rastin e Kosovës” tha ajo.
Suedia dhe Finlanda aplikuan për të qenë pjesë e NATO-s pas agresionit rus në Ukrainë dhe frikës së zgjerimit të kërcënimit nga Moska. Deri tani i vetmi vend që ka dalë kundër futjes së tyre në NATO është Turqia.
