Nga dita e sotme vendi ynë do të përfshihet nga një valë e të nxehtit afrikan dhe temperatura të larta që do të arrijnë deri në 38 gradë.
Sipas Meteoalb mëngjeset e freskëta me temperatura deri në 9 gradë do t’ja lënë vendin ditëve të nxehta ku temperaturat më të larta do të shënohet gjatë mesditës me maksimumin prej 38 gradësh të dielën, në disa zona.
Sa i përket rajonit, Kosova dhe Maqedonia e Veriut do të shënojnë temperatura më të freskëta, krahasuar me Shqipërinë duke arritur deri në 26-27 gradë në mesjavë.
Temperaturat do të rriten pas së mërkurës duke arritur në vlera 26 gradë për Kosovën dhe 30 gradë në Maqedoninë e veriut.
Pjesa e dytë e ditës në zonat malore do të rrezikohet nga rrebeshe afatshkurtra shiu, ku nuk do të mungojnë as stuhitë e breshrit dhe erërat e forta.
