Një ngjarje e rëndë ka ndodhur pasditen e së mërkurës në Dhërmi. Një turist anglez ka rënë nga kati i tretë i një hoteli.
Të paktën sipas policisë, ai dyshohet të ketë qenë në gjendje të dehur. Turisti anglez, 21 vjeç, është dërguar me urgjencë në spital aty ku po merr ndihmën e parë.
“Më datë 01.06.2022, rreth orës 19:40, në Dhërmi, ka rënë nga kati i tretë i një hoteli shtetasi anglez Z. C., rreth 21 vjeç, i cili dyshohet se ka qenë në gjendje të dehur.
Shtetasi Z. C., ndodhet në spitalin e Himarës, nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes”, njofton policia.