Opozita është duke mbajtur qëndrim të përçarë sa i takon votimit për presidentin e ri të vendit, me berishistët që kanë vendosur të kundërshtojnë, edhe me votë, dhe grupimi i Alibeajt që pas uljes në tryezën e negociatave, tashmë ka zgjedhur bojkotin.
Gazment Bardhi, Enkelejd Alibeaj dhe Saimir Korreshi nuk do të jenë të pranishëm në mbledhjen e Komisionit të Ligjeve që do të nisë në orën 16:00, dhe ku do të shqyrtohet kandidatura e Bajram Begajt për president, ndërkohë që Oerd Bylykbashi ka deklaruar se do të jetë pjesë e mbledhjes.
Nga ana tjetër Sali Berisha, në cilësinë e kryetarit të PD-së, dhe deputetët që e mbështesin kanë deklaruar se do të jenë po ashtu të pranishëm në seancën e sotme në Kuvend, për të kundërshtuar me votë Begajn.
Ky i fundit dha dorëheqjen nga posti i shefit të Shtabit të Armatosura, dorëheqje kjo e pranuar dhe nga presidenti i vendit Ilir Meta, duke i hapur kështu rrugë votimit të tij në Kuvend.
