Presidenti Ilir Meta ka reaguar sa i përket etiketimit që kryeministri Edi Rama i bëri para disa ditësh ku e quajti “kaçak”. Meta tha se deklarata e Ramës nuk e shqetësonte dhe më tej përmendi rastin kur forcat policore e kishin nxjerrë kryeministrin me forcë nga avioni në Gjermani.
“Etiketimet që ka bërë dhe që bënë ndaj meje nuk më shqetëson fare. të gjithë e dinë se kush është dhe se sa normal është. Të arrijë në një vend që ta nxjerrë nga avioni policia se bën sherr me stjuardesën, e dimë se ça njeriu është. Sesi më ka cilësuar mua, s’më shqetëson. Jam shumë i lumtur që e kam bërë detyrën time ndaj vendit me përkushtim maksimal. E kam preokupim që a bëj deri në 24 korrik. ka qenë një presidencë tërësisht jonormale, pasi ka pasur më pak kompetenc“, tha Meta.
