Ish-presidenti dhe njëherazi ish-kryetari i Partisë Demokratike të Kosovës, Hashim Thaçi, nga Haga ka porositur aktivistët dhe zyrtarët e kësaj force politike që të qëndrojnë të bashkuar.
Thaçi është zotuar se nëse deputetët e PDK-së qëndrojnë të bashkuar, ai do ta tejkalojë sfidën që ka, ndërsa ndodhet në dhomat e paraburgimit në Hagë.
Ish-presidenti pati komunikim me kryetarin e Komunës së Skënderajt, të cilit i përcolli mesazhin për të qendruar të bashkuar.
Ish-kreu i PDK Hashim Thaçi po mbahet në paraburgim në Hagë, prej më shumë se 18 muajsh, pasi dyshohet se bashkë me zyrtarë të tjerë të UÇK-së ka kryer krime lufte.
