Një aksident fatal ka ndodhur mbrëmjen e sotme rreth orës 20:20 në aksin rrugor Levan-Tepelenë ku si pasojë e përplasjes së dy automjeteve kanë ndërruar jetë dy shtetas, burrë edhe grua.
Nga pamjet e siguruara nga aksidenti, shihen makina të cila janë bërë copë copë.
Ngjarja ka ndodhur rreth orës 20:20, ku dy automjete tip “Opel Zafira” dhe “Ford” janë përplasur me njëri-tjetrin.
Policia ka bërë me dije identifikimin e viktimave nga aksidenti i rëndë i ndodhur në Fier.
Njëri është Sokrat Lela, nga Mbrostari i Fierit, punonjës i FNSH, i cili ka qenë duke udhëtuar bashkë me dy persona të tjerë.
Informacion paraprak
Sot rreth orës 20:20, në aksin rrugor Levan-Tepelenë, në fshatin Buzëmadh, janë përplasur automjetet tip “Zafira” dhe “Ford”.
Si pasojë e përplasjes kanë ndërruar jetë dy shtetas dhe janë plagosur katër të tjerë.
Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë.
