Kryetari i PD-së, Sali Berisha i bëri thirrje popullit që të ngrihet për të rrëzuar Edi Ramën nga pushteti. “PD konsideron jetike krijimin e një lëvizje opozitare, front opozitar kundër regjimit, personalitete dhe rrethi akademik për t’u përballuar me Edi Ramën. PD u bën thirrje shqiptarëve kudo që janë, që të angazhohen për të shpëtuar vendin” tha ai.
Por a ndihet Berisha i izoluar pasi Gjermani i mbylli derën duke u bashkuar me sanksionet e SHBA-së që e shpalli “non grata” por edhe injorimit që i ka bërë ambasada britanike? “Këtë betejë Sali Berisha nuk e ka nisur me asnjë përkrahje të askujt, përveç shqiptarëve, ju garantoj se çdo ditë ndihem më i motivuar se kurrë nga mbështetja e shqiptarëve. Ju besoj jeni dëshmitarë të kësaj” tha ai.
