Deputetja e Partisë Demokratike Jorida Tabaku, referuar rritjes së çmimeve thekson se të gjithë ata që e bëjnë pazarin vetë e ndjejmë tashmë rritjen e çmimeve të ushqimeve.
Ajo shprehet se qytetarët kanë rroga qesharake dhe janë të braktisur nga qeveria përballë varfërisë së lartë dhe inflacionit.
“Kush e bën pazarin vetë e ka të qartë se sa janë rritur çmimet! I blejmë perimet më shtrenjtë sepse nafta është 260 lek/litër.
Çmimi energjisë ka shkuar në 18 lek/kwh kurse subvencionet dhe paketa ndihmëse më e ulëta në rajon!
Me rroga qesharake, varfërinë e lartë dhe një inflacion të frikshëm qeveria ofron lugën e propagandës!”, shkruan Tabaku.
Nesër pasdite është njoftuar një protestë nga shoqëria civile kundër rritjes së çmimeve.
