Policia e Tiranës ka zbuluar një natë më parë një depo që merrej me modifikimin e armëve në zonën e Kodër-Mëzez. Sipas autoriteteve, këto armë dyshohet se janë përdorur për të kryer vepra kriminale.
Policia e Shtetit ka publikuar një video, ku shihet autoritet kanë sekuestruar 8 armë zjarri, tre armë zjarri automatike, katër zhurmues si ato të armëve të zjarrit pistoletë, silenciatorë, pjesë të ndryshme armësh, një thikë, makineria që shërbente për prodhimin dhe modifikimin e pjesëve të armëve të zjarrit, municion luftarak dhe sende të tjera prej metali që përdoren për modifikimin dhe prodhimin e silenciatorëve të armëve të zjarrit, valixhe me pjesë armësh për modifikim, një sasi parash dhe sende të tjera të kundërligjshme.
Armët e sekuestruara janë dërguar për ekspertizë me qëllim krahasimin e tyre me ato të gjetura në disa ngjarje kriminale.