Ditën e sotme do të konstituohet komisioni i Reformës Zgjedhore, pas atij për Reformën Territoriale. Pas miratimit të emrave në Kuvend, sot nis zyrtarisht puna.
Demokratët janë të përçarë mes tyre, por që duket se ndryshe nga komisionet e tjera, Oerd Bylykbashi nga grupi i Sali Berishës ka pranuar që të jetë pjesë e propozimeve që ka bërë kryetari i grupit Enkelejd Alibeaj.
Opozita kërkon ndryshimin e sistemit zgjedhor dhe zbatimin e rekomandimeve të OSBE-së. PS kërkon depolitizimin e administratës zgjedhore.
Pjesë e diskutimit do të jetë edhe boshllëku i krijuar pas vendimit të Gjykatës Kushtetuese për të rrëzuar herësin që u vendos në zgjedhjet e kaluara.
Një gjë është e sigurt, që komisioni nis punën sot, por nuk dihet kur do ta përfundojë dhe nëse do të mbyllet me kompromisin e të gjitha palëve.
Anëtarët e Komisionit të Posaçëm të Reformës Zgjedhore nga PS:
Damian Gjiknuri bashkëkryetar
Blerina Gjylameti anëtare
Klotilda Bushka anëtare
Toni Gogu anëtar
Ermonela Felaj anëtare
Arben Pëllumbi anëtar
Blendi Klosi anëtar
Klevis Xhoxhi anëtar
Anëtar zëvendësues:
Gledis Çeliku
Jurgis Çyrbja
Xhemal Qefalia
Anëtarët e Komisionit të Posaçëm të Reformës Zgjedhore nga PD:
Bashkëkryetar;
Enkelejd Alibeaj
Anëtarë;
Oerd Bylykbashi
Dashnor Sula
Grida Duma
Kreshnik Collaku
Lindita Metaliaj
Anëtarë zëvendësues;
Selaudin Jakupllari
Eralda Bano (Tase)
Ervin Salianji
