Nga shpërthimi i gazit në Porto Romano fatmirësisht nuk ka të lënduar. Policia njofton se zjarri është vendosur nën kontroll dhe dëmet janë vetëm materiale.
“Rreth orës 08:30, në Porto Romano, Durrës, ka rënë zjarr në depozitat e gazit.
Me ndërhyrjen e menjëhershme të zjarrfikësve dhe policisë, zjarri është fikur.
Si pasojë e zjarrit ka vetëm dëme të vogla materiale” mbyllet reagimi i policisë së qytetit bregdetar.
Grupi hetimor ndodhet vendngjarje ku vijon puna për përcaktimin e shkakut të rënies së zjarrit.