“5pyetjet.al” siguron pamjet e momentit kur banorët janë evakuuar në mesnatë nga pallati që u përfshi nga flakët dhe tymi në zonën e “Astirit” në Tiranë.
Pas sinjalizimit të banorëve, zjarrfikësja arriti me shpejtësi duke evakuuar fëmijët dhe të gjithë banorët. Zjarri nisi nga garazhi duke djegur katër makina dhe ka qenë i qëllimshëm.
Banorët deklaruan se dëgjuan edhe shpërthime. “Plasi, plasi diçka i thashë gruas, hajde dalim. Dëgjuam shpërthime” tha një banor i pallatit. Por sipas policisë nuk kemi të bëjmë me eksploziv.
Tetë prej banorëve përfunduan në spital. Ata shprehen se u tmerruan nga flakët dhe tymi që pushtoi pallatin.
“Ishte tmerr. Dëgjuam shpërthime. Banorët e pallatit ulërinin dhe kërkonin ndihmë. Kishte shumë tym dhe zjarr në garazh” tha një tjetër prej banorëve.
