Partia politike bullgare DPS, ka bërë me dije se i ka dorëzuar Kuvendit Kombëtar propozimin për miratimin e draft kornizës negociuese për anëtarësimin e Republikës së Maqedonisë dhe Shqipërisë në BE, të propozuar nga Presidenca franceze.
Ishte lideri Mustafa Karadaj që bëri me dije këtë vendim.
“Pse e bëmë këtë? Një vit këta ministra, të cilëve ua pranuam dorëheqjen pak kohë më parë, dhe gjysmë viti ky kabinet që u rrëzua sot me votëbesim, nuk bëri asgjë në këtë drejtim. Mund të themi se po përpiqeshin ta pengonin atë proces, duke thënë tjetër gjë në Bruksel dhe tjetër në Bullgari”, tha Karadaj.
Në një deklaratë nga foltorja e Kuvendit, kryetarja e grupit parlamentar të GERB, Desislava Atanasova tha se GERB-SDS janë gjithashtu të gatshëm për miratimin e kornizës negociuese me Republikën e Maqedonisë së Veriut, e cila do të garantojë që Bullgaria dhe interesat kombëtare bullgare të mbrohen.
Ajo u bëri thirrje të gjitha palëve që të mbështesin nismën. Partia kërkon gjithashtu që kryeministri i dorëhequr Kiril Petkov dhe qeveria e tij të miratojnë menjëherë protokollin dypalësh.
Atanasova kujtoi se lideri i GERB-it dhe grupit parlamentar e kanë shprehur qartë qëndrimin e tyre për propozimin francez për Maqedoninë.
“Ky është propozimi më i mirë i marrë ndonjëherë.
“Duhen disa korrigjime për ta bërë atë të përshtatshme,” tha GERB.
Grupi thekson se Kiril Petkov nuk arriti kurrë të përgatiste një propozim bullgar për këtë rast. Në vend të kësaj sipas tyre ai u fsheh dhe ndoqi një politikë të jashtme të dyfishtë.
