Një aksident ka ndodhur këtë të martë në aksin rrugor Qafa e Muzinës-Jorgucat , në Gjirokastër.
Shoferi ka humbur kontrollin e mjetit dhe për pasojë ka dalë nga rruga.
Kanë ngelur të plagosur shoferi dhe dy pasagjerët, të cilët ndodhen jashtë rrezikut për jetën.
Gjirokastër/ Informacion paraprak
Rreth orës 14:45, në aksin rrugor Qafa e Muzinës-Jorgucat, shtetasi A. M., 51 vjeç, banues në Tepelenë, duke drejtuar automjetin tip “Benz”, ka humbur kontrollin e mjetit dhe ka dalë nga rruga.
Për pasojë është dëmtuar drejtuesi i automjetit dhe dy pasagjerët që ndodheshin në të, të cilët u transportuan në spitalin Rajonal Gjirokastër për të marrë ndihmën mjekësore dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
