Përparim Ademi akuzohet për vrasjen e 2 motrave më 31 dhjetor 2020. Kristina Bardhi dhe Zhaneta Metani janë 2 motrat që u vranë.
Prokuroria ka kërkuar burgim të përjetshëm për autorin.
Ademi ka pasur lidhje me 2 motrat. Sipas dëshmitareve ngjarja u krye për arsye xhelozie, pasi Zhaneta kishte krijuar një tjetër lidhje paralele.
Ndërkohë Vjollca Tela, gruaja e Përparimit, me të cilin ajo ka tre fëmijë, është rrëfyer përpara hetuesve duke pranuar se ishte në dijeni të lidhjeve që bashkëshorti i saj kishte me motrat. Madje ajo ka thënë se shpesh herë shkonin në plazh së bashku.
Ditën e Krishtlindjes, dy motrat Zhaneta Metani dhe Kristina Bardhi kanë patur një debat të ashpër me Përparim Ademin. Ato i kanë kërkuar që të shkëpusin marrëdhëniet me të, por kjo nuk është pranuar nga 59-vjeçari.
Por sipas policisë dy motrat e kanë kundërshtuar vazhdimisht, çka bërë që më datën 31 dhjetor Përparim Ademi të shkojë në banesë e Zhanetës, ku dhe i ekzekutoi me 26 plumba.
