Në Madrid po zhvillohet samiti i NATO-s, ku pjesëmarrës janë liderët e vendeve anëtëre dhe në fokus është lufta në Ukrainë dhe kriza që e ka pasuar. I pranishëm në kryeqytetin spanjoll është kreu i qeverisë shqiptare Edi Rama.
Në Facebook, Rama ka postuar momentin e fotos zyrtare me liderët e NATO-s dhe një takim të shkurtër me presidentin e SHBA-së, Joe Biden. Takimi disa sekonda në këmbë nuk ka qenë rastësi, por i studiuar mirë nga Rama, që e ka “gjuajtur” këtë mundësi ashtu si në Bruksel me liderët e BE-së pak ditë më parë.
Hap pas hapi në video duket momenti kur Rama e studion terrenin me sy dhe sapo mbaron fotoja zyrtare i “vihet” pas Joe Bidenit duke e “kapur” disa sekonda më pas. I vendos dorën mbi shpatulla dhe diçka i thotë duke tentuar ta bindë. Biden e shikon i habitur për pak sekonda dhe më pas të dy buzëqeshin.
