Kreu i SPAK-ut, Arben Kraja tha se prej marsit të vitit të kaluar, zyra e përgjimeve kaloi nga prokuroria e përgjithshme në godinën e prokurorisë së posaçme. Kraja shpjegoi si funksionon grupi i përgjimeve dhe numri i atyre që janë ndjekur.
“Për vitin 2021 prioritet ka qenë vendosja në funksion e zyrës së përgjimeve. Procesi i përgjimit më parë është kryer në sektorin e përgjimeve në prokurorinë e përgjithshme.
Në 18.03.2021 kemi njoftuar se më 24 mars funksionon funksionimi i zyrës së përgjimit dhe bërthamës komanduese në SPAK. Kemi përdorur përgjimin për 129 procedime penale.
Ngarkesa ka qenë prezentë sepse numri i operatorëve nuk kanë në përputhje me volumin e punës. Më pas janë trajnuar hetuesit e BKH-së duke ulur ndjeshëm punën.
Duke qenë se natyra e punës është dinamike, oficerët dhe hetuesit për situata emergjente dhe ngarkesës kanë qëndruar në punë jashtë orarit” tha Kraja.
E çuditshme ishte se pavarësisht akuzave kundër SPAK-ut, opozita, por edhe shumica nuk kishin asnjë pyetje për drejtuesin e saj, Arben Kraja.
“Nuk ka asnjë pyetje. Mund të largohesh” i tha Lindita Nikolla, pasi Kraja lexoi raportin.