Një çift turistësh shqiptar, po pushonin këtë fundjavë në bregdetin e Jalës. Ata ishin ulur buzë detit dhe po merrnin rreze dielli, kur u plagosën nga një gomone.
Drejtuesi i gomones Gjergji Priftuli, 37 vjeç, nuk ka mundur ta ndaloi mjetin në kohë dhe ka marr para dy turistët duke u shkaktuar fraktura të rënda. Ai është shoqëruar në polici.
Nga ana tjetër dy të rinjtë po marrin mjekimin e nevojshëm në spitalin e Himarës, nga ku mësohet se djali ka pësuar dëmtime në brinjë dhe në kokë.
Njoftimi i policisë
Himarë/Informacion paraprak
Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën.
Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
