Ministri i Mbrojtjes Armend Mehaj është shprehur se ai dhe gjithë qytetarët do të jenë në krah të policisë së Kosovës.
Sipas tij sulmet e fundit të ndodhura ndaj tyre nuk do ta cenojnë punën e policisë dhe as të ndalohen aksionet kundrejt kontrabandës.
“Në emrin tim, Ministrisë së Mbrojtjes dhe gjithë ushtarakëve të FSK-së shprehim mirënjohjen maksimale për policët tanë, gra e burra heroik, gardianë të sigurisë dhe rendit tonë publik, si dhe luftëtarë të pa kompromis në zbatimin e ligjit. Rasti i fundit, kur duke rrezikuar edhe jetën e tyre dhe qëndruar fuqishëm në krye të detyrës, kundër kontrabandës dhe krimit të organizuar, na bënë shumë nder dhe krenar të gjithëve, krahas përgjegjësisë së të gjithëve që të përkrahim fuqishëm Policinë tonë”, ka shkruar ai.
