Mbrëmja e 6 shtatorit do të shohë të ngjitet në skenën përballë publikut shqiptar, këngëtaren e mirënjohur të muzikës pop me origjinë shqiptare, Rita Ora.
Në një postim të vetë këngëtares në median sociale Instagram, Ora ka shkruar se i është përgjigjur pozitivisht ftesës së kryebashkiakut të Tiranës, Erion Veliaj, për të mbajtur një koncert me rastin e celebrimit të kryeqytetit shqiptar si kryeqyteti rinor i botës për vitin 2022.
“Jam kaq e emocionuar dhe e nderuar të shpall sot se do të rikthehem në Tiranën time të dashur”, shkruan artistja shqiptare.
Pjesëmarrja e publikut do të jetë falas, pasi koncerti është publik. Ndërsa, nuk dihet ende nëse do të ketë edhe artistë të tjerë pjesëmarrës nga vendi ose bota, për t’i paraprirë Orës në skenë
