Ditën e sotme Shqipëria i ka dorëzuar Italisë një piano antike e cila u soll në Shqipëri me shpresën për t’u shitur, pasi u vodh në 2015 në Parma.
Tashmë piano do të rikthehet në konservatorin ‘Arrido Boito’ në Parma.
Një surprizë e bukur ishte edhe fakti që njëri prej zyrtarëve italianë që ishte pjesë e delegacionit në Tiranë, tha se ishte me origjinë arbëreshe.
“Babai im ishte arbëresh, ndonjëherë fliste në shqip. Unë e kam harruar” tha komandanti italian në shqip.
Të pranishëm në ceremoni ishin dy ministrat, Manja dhe Margariti dhe ambasadori italian, Buci.
