Itali njeh vitet e punës për shqiptarët dhe rrjedhimisht pensionet.
Lajmin e mirë e ka dhënë pasditen e sotme Edi Rama në një postim në Facebook. 500 mijë shqiptarë pritet që të përftojnë nga kjo marrëveshje.
“Shqipëria dhe Italia sapo kanë përfunduar negocimin teknik të marrëveshjes për pensionet.
Pas përfundimit të procesit teknik do të ndiqen procedurat për ratifikimin e kësaj marrëveshje dhe më në fund, pas një përpjekje të gjatë e thuajse të pamundur, rreth 500 mijë shqiptarë pritet të përfitojnë me hyrjen e saj në fuqi.
GrazieITALIA” shkruan Rama. Ende larg duket marrëveshja me Greqinë.
