Belinda Balluku është numri dy i qeverisë Rama. Ditën e sotme Kuvendi ka votuar propozimin e shefit të qeverisë për zv/kryeministren e re, por edhe Majlinda Dhukën që do të jetë ministre shteti dhe kryenegociatore për integrimin në vendin e Zef Mazit.
Në momentin e zyrtarizimit, ministrat dhe deputetët socialistë kanë vrapuar për të uruar dhe përqafuar Ballukun për postin e ri. Në krahun tjetër, Arben Ahmetaj është ulur pranë Gjiknurit, që e ka ngushëlluar për shkarkimin.
Deputeti socialist nuk e ka pritur momentin e shkarkimit të tij duke u larguar nga salla.
