Truri ynë akumulon shumë informacion dhe ndërsa mosha përparon, vitet bëjnë që të përballemi me humbje të memories. Kjo gjendje mund të trajtohet me ushqimet e duhura që ndihmojnë në stimulimin e trurit, duke e furnizuar me vlerat ushqyese.
Peshqit
Një studim zbuloi se njerëzit që konsumonin rregullisht peshk të pjekur ose në zgarë kishin më shumë lëndë gri në tru. Lënda gri përmban shumicën e qelizave nervore që kontrollojnë vendimmarrjen, kujtesën dhe emocionet. Për më tepër, peshq të tillë si salmoni, trofta dhe sardelet janë burime të pasura të acideve yndyrore omega-3, të cilat luajnë një rol të rëndësishëm në të mësuarit dhe kujtesën, shkruan abcnews.al.
Vezët
Një studim tregoi se kolina, një nga lëndët ushqyese që gjenden në vezë, së bashku me vitaminat B6 dhe B12 dhe folate, shoqërohet me kujtesën më të mirë të një personi dhe funksionin mendor.
Kafeja
Një studim tregoi se konsumimi i kafesë gjatë gjithë jetës shoqërohet me parandalimin e rënies njohëse dhe rrezikun më të ulët të zhvillimit të sëmundjes Parkinson dhe Alzheimer, si dhe minimizimin e shanseve për një goditje në tru.
Brokoli
Brokoli, shumë i vlerësuar, gjithashtu luan një rol në ruajtjen e kujtesës. Perimet janë të pasura me vitaminë K, e cila ishte e lidhur me një incidencë më të ulët të humbjes së kujtesës tek të moshuarit, në një studim.
Lakra
Një studim i botuar në revistën Neurology tregoi se gjethet jeshile të errëta, përfshirë lakrën, mund të ndihmojnë në ngadalësimin ose parandalimin e rënies njohëse.
