Kryeministri Edi Rama në një konferencë për gazetarët është shprehur se situata e zjarreve në vend do të vështirësohet gjatë muajt gusht, pasi nuk ka më vende imune ndaj zjarreve.
“Aty ku pushteti vendor reagon në mënyrë proaktive dhe nuk bën thjesht ngritjen e telefonit dhe thotë shiko se kemi zjarr këtu hajde ngrini helikopterin. Por kjo historia e helikopterit duhet kuptuar mirë, se reagimi është i përshkallëzuar dhe në të gjithë botën fillon nga niveli i ulët vendor. Fillon nga ata punëtorët vendor që nisin punën kur ka emergjenca.!” ka thënë ai.
Po ashtu Rama ka shtuar se duhet që bashkitë të tregojnë kujdes të shtuar dhe të investojnë në infrastrukturën e rrugëve, ujitjes dhe kullimit për të parandaluar zjarret.
