Policia e Kavajës ka arrestuar drejtuesin e kamionit që u përfshi në aksidentin tragjik në zonën e njohur si “Bishti i Zhurit”, ditën e djeshme. Kujtojmë që si pasojë e aksidentit ka mbeti i vdekur në vend drejtuesi i automjetit tip “Benz”, 27-vjeçari Festim Meçe.
Njoftimi i policë:
Specialistët për Hetimin e Krimeve në Komisariatin e Policisë Kavajë arrestuan në flagrancë, për veprën penale “Shkelja e rregullave të qarkullimit rrugor”, shtetasin I. M., 49 vjeç, banues në Tiranë, pasi ditën e djeshme, duke drejtuar një mjet kamion është përplasur me automjetin me drejtues shtetasin F. M., 27 vjeç, dhe si pasojë e aksidentit 27-vjeçari ka humbur jetën.
