Marjus Musaku, i cili mbajti peng për një javë nënë e dy fëmijëve, Ersida Dyrmishin, është lënë në burg nga gjykata e Durrësit.
Ai akuzohet për veprat penale për “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”.
Ai mohoi akuzat duke deklaruar se kanë qenë në një njohje me Dyrmishin dhe se ajo kishte shkuar me dëshirën e saj. Ky nuk është rasti i parë që Musaku akuzohet për një vepër të tillë pasi në 2018, ai mbajti peng ish-bashkëshorten pasi nuk donte të divorcohej.
