Kreu i Partisë së Lirisë, Ilir Meta paralajmëroi se Shqipëria shumë shpejt mund të përballet me një kolaps për shkak të borxhit publik, pasi interesat si brenda dhe jashtë po rriten. Të ardhmen, muajt në vazhdim, ish-presidenti i shikon të zymta për shqiptarët.
“Borxhi publik rrezikohet edhe nga faktorë të rinj, si rritja e normave të interesave dhe financimit. Vetë BSH është angazhuar në rritjen e normës së interesave dhe që mund të vazhdojë.
Borxhi i brendshëm është mbi 35% e borxhit total dhe gati 30% është afatshkurtër dhe rrezikohet që të rritet si niveli dhe kosto. Borxhi i jashtëm është 34%. Interesat janë rritur. Dhe cdo borxh i ri i jashtëm që do të merret do të ndikohet nga rritja e normave të interesit dhe kostot shtesë” tha ai.
