Kryeministri Sali berisha gjatë një konference për mediat në lidhje me rusët e kapur në uzinën e Gramshit, e ka konsideruar Edi Ramën si rrezikun kryesor për vendin.
Ai është shprehur se projekti i tij mes Serbisë për Ballkanin e Hapur u mbështet nga ministri i Rusisë Lavrov. Po ashtu Berisha shtoi se NATO është në një luftë mes Rusisë së Madhe dhe të Vogël (Serbisë), dhe Rama po sfidon hapur sigurinë kombëtare me projektet e tij.
“Sot ka një konfrontim mes NATO-s, BE-së dhe Rusisë së Putinit dhe aleatëve të tij. Sot sikundër dhe më parë, Shërbimet serbe dhe ruse janë në sintoni të plotë, në bashkëpunim të ngushtë. Për ata të cilët vënë gjë këtu në dyshim, po ju rikujtoj deklaratën e Aleksandër Vuçiç, i cili gjatë vizitës së tij në Uashington do të thoshte se Shërbimet më kishin njohur, dhe këtu është fjala për shërbimet ruse, me tekstin e marrëveshjes që do na servirej. Por kjo nuk është një risi.
Putini i madh dhe i vogël, Rusia e madhe dhe e vogël janë një unitet, ndofta përjetësisht i pazgjidhshëm. Ajo për të cilën unë jam këtu është se ka një projekt tjetër, madhor për Ballkanin, projektin Serbo-rus dhe ky është ‘Ballkani i Hapur’. Shqiptarët e dinë që ky projekt u mbështet gjatë dy muajve publikisht nga ministri i Jashtëm rus, Lavrov. Dhe ky projekt mbështetet po kaq fuqimisht dhe verbërisht nga vasali i Vuçiç në Tiranë, Edi Rama.
Më thoni tani ju, a nuk është madhor kërcënimi i sigurisë kombëtare nga Edi Rama?
Pra ata që kërkojnë agjenturë në tunele dhe bunkerë, duhet të dinë se problemi madhor i sigurisë kombëtare është në krye të qeverisë së vendit“, është shprehur Berisha.
