Prokuroria e Posaçme ka futur nën hetim ish-Presidentin Ilir Meta pas padisë së ish-deputetit Halit Valteri.
Kryetari i Partisë së Lirisë po hetohet për dy vepra penale; korrupsion pasiv sipas nenit 259 të Kodit Penal dhe “falsifikimi të formularëve” sipas nenit 190 të Kodit Penal.
Dosja bën fjalë për lobim në SHBA, sipas padisë së Valterit, që tani ndodhet në duart e SPAK-ut.
Arben Kraja përpos lëvizjeve brenda vendit duke kërkuar kërkesa për disa institucione ka futur në “lojë” edhe SHBA-në.
Për kontratat e lobimit me vlerë 700 mijë euro, që e paditi Valteri, SPAK pritet që të çojë në SHBA një letër-porosi për informacion.
Sipas demokratit që u konvertua në socialist, kontratat e lobimit të Metës në SHBA nuk janë deklaruar as në KQZ dhe as në ILDKP.
“5pyetjet.al” pyeti sot SPAK-un nëse Monika Kryemadhi është nën hetim, por prokuroria e posaçme nuk pranoi që të jepte informacion.
