Prokuroria e Posaçme kundër Korrupsionit dhe Krimit të Organizuar njoftoi dje se ka vendosur nën hetim ish-presidentin Ilir Meta pas kallëzimit të ish-deputetit Halit Valteri që u fut në kuvend nga lista e PD, por u përdor nga socialistët me shpërblimin për ta futur në listë për zgjedhje dhe në fund mbeti jashtë.
Në kallëzimin e Valterit drejtuar SPAK-ut, nuk ishte vetëm Ilir Meta i akuzuar sipas tij për lobim në SHBA, por edhe Monika Kryemadhi, Vangjel Tavo dhe Iraklis Fidetzis. E ndërsa për kryetarin e Partisë së Lirisë nisën hetimet, çfarë po ndodh me Kryemadhin?
“5pyetjet.al” iu drejtua SPAK-ut për ta pyetur se në çfarë statusi është Monika Kryemadhi për këtë dosje? Por SPAK nuk dha detaje duke shtuar misterin. “Nuk kemi ndonjë njoftim për të bërë, në lidhje me sa pyesni” tha Prokuroria e Posaçme për “5pyetjet.al”.
Për ish-kreun e shtetit hetimet nisën nga emri për shkak se mbiemrin zyrtar e ka “Metaj”, por në fakt ai që përdor dhe që njihet nga të gjitha është “Meta”.
SPAK në fillim të gushtit iu drejtua Gjendjes Civile dhe tani KQZ-së për formularin e vetë-deklarimit të kryetarit të partisë së Lirisë në kohën që ishte deputet.
Kallëzimi penal që bëri ish-deputeti Halit Valteri
KALLËZUES: Halit Xhezar Valteri, lindur më datë 21.05.1991 në Fier dhe banues në Tiranë.
KUNDËR:
1. Z. Ilir Meta -President i Republikës së Shqipërisë,
2. Znj.Monika Kryemadhi – Deputete e Kuvendit të Shqipërisë
3. Z.Vangjel Tavo – Ish Deputet i Kuvendit të Shqipërisë,
4. Z.Iraklis T. Fidetzis – Administrator ikompanisëDorelita Limited me selinë Qipro.
BAZA LIGJORE:Kodi i Procedurës Penale të RSH: Nenet 25, 75/a, 149, 150, 151, 152, 153 deri
165, 228, 229, 244, 277, 279/a, 280, 281, 283, 287, 304, 331, 390.
Kodi Penal i RSH : Nenet 25, 164/a, 164/b, 180, 181, 248,257/a, 259, 287.
DREJTUAR: Strukturës së Posaçme kundër Korrupsionit dhe Krimit të Organizuar
