Një aksident masiv ka ndodhur tek vendi i quajtur “Kthesa e Murrashit”, këtë pasdite në aksin Elbasan-Librazhd. Mësohet se në këtë aksident është përfshirë një trailer dhe gjashtë mjete.
Traileri ka qenë duke udhëtuar dhe i ka plasur goma, gjë që e ka devijuar nga rruga. Për pasojë, të gjashta mjetet që vinin pas trajlerit janë përplasur me të e janë aksidentuar.
Si pasojë e devijimit të trailerit nga rruga, në këtë aksident zinxhirë janë përplasur edhe 6 makina të tjera.
Deri më tani është raportuar vetëm për një vajzë të plagosur e cila është dërguar për ndihmë mjekësore në spitalin rajonal të Librazhdit.
