Zbardhen detaje të reja nga arrestimi i bosit turk të kriptomonedhës “Thodex” Faruk Fatih Özer. Ai u arrestua në plazh në Himarë.
Prej disa muajsh jetonte në lagjen “5 Maji” në Elbasan. Bashkë me të në Himarë u arrestua edhe nipi i kreut të FSHF-së, Armand Duka.
Medait turke shkruajnë se ministri i Brendshëm i Shqipërisë ka njoftuar homologun turk për arrestimin e të shumëkërkuarit.
“Ministri i Punëve të Brendshme i Republikës së Shqipërisë, Bledar Çuçi, ka njoftuar sot në mëngjes ministrin e Brendshëm Süleyman Soylu se themeluesi i Thodex, i arratisuri Faruk Fatih Özer, i cili ishte në kërkim u kap në Vlorë në Shqipëri dhe identiteti i tij u konfirmua nga rezultatet biometrike” shkruajnë mediat.
Por si u kap?
Gjëmën ia bëri telefoni. Ai ishte vendosur nën përgjim prej disa muajsh. Policia arriti që ta lokalizonte dhe arrestonte në Vlorë.
Tashmë pritet që të ekstradohet në Turqi. Ai akuzohet se mashtroi qindra mijëra persona duke u zhdukur me 2 mld dollarë pasi mashtroi qytetarët me “Bitcoin”.
