E ndërsa çifti përcillet për në banesën e fundit, zbardhen detaje të reja nga vrasja e dyfishtë dje në Tiranë.
Arsen Muskurti, pasi vrau vëllanë dhe kunatën, disa metra larg vendit të ngjarjes la pistoletën që kreu krimin.
Në brendësi të një kasaforte në dyqanin që ishte në pronësi të tij.
Më vonë policia arriti të gjente armën e krimit ndërsa fillimisht ai deklaroi se e kishte hedhur në një kosh mbeturinash.
Me gjakftohtësi, ai e ka pranuar krimin dhe nuk ka shfaqur aspak shenja pendese.
Arsen Muskurti mësohet të ketë thënë se viktimat e meritonin të vriteshin. Por cili ishte veprimi final që e nxiti autorin të kryente vrasjet?
Vëllai, Dritan Muskurti kishte kallëzuar vëllanë. Dje autori i vrasjes Arsen Muskurti ishte njohur dje me fletëthirrjen nga gjykata.
Dritan Muskurti kërkonte urdhër mbrojtje ndaj Arsen Muskurtit pas konflikteve. Më 6 shtator do shqyrtohej urdhri mbrojtjes.
Mes tyre ka pasur shpesh herë kallëzime në polici.
