Ditën e sotme u hap këndi i maturantit në portalin U-Albania, ku në studentët e rinj mund të ndjekin procesin e renditjes në universitete.
Nëse dega rezulton me ngjyrë jeshile, afati i regjistrimit është 48 orë, në të kundërt vendi fitues i kalon maturantit tjetër në listën pritëse. Ndërkohë, ngjyra e verdhë nënkupton se gjithashtu jeni fitues, por duhet të prisni përfundimin e fazës për t’u regjistruar.
Ndryshe nga vitet e tjera ku kryesonte mjekësia këtë vit deri më tani në krye të listës qëndrojnë degët inxhinierike. Ndërkohë, referuar Rrjetit Akademik Shqiptar, vendin e dytë e zë universiteti i Mjekësisë dhe i treti fakulteti i Ekonomisë.
Sa i takon interesit për mësuesisë, drejtori i RASH Arjan Xhelaj nënvizon se ka pësuar një rritje të lehtë, kryesisht nga maturantë me mesatare të lartë.
